info@megaakustik.mk

6.12 Поставување темелна плоча

Изградбата на комплексот „Тreska Residence“ е во полн ек, а на фотографиите подолу ви овозможуваме и краток поглед на тоа како течат работите. На 10.2.2024 год. се постави и темелната плоча на објектот 6.12 во рамките на овој комплекс. Процесот траеше околу 17 часа, а во неделата што следуваше се работеше и на бетонирање на вертикалните конструктивни елементи како бетонски столбови и ѕидови.
Секојдневно се работи со над 70 работници, вклучително и тесарска армирачка група, кранисти, шофери за транспорт на бетон и ракување со пумпа за бетон, како и надзорни и изведбени инженери.
Армирано-бетонската конструкција се очекува да се заврши до април 2024 година. Како најголем предизвик на почетокот е соочувањето и справувањето со подземните води, за што го применуваме иновативниот систем на изолација „бела када“ ТКК. Со изведбата на овој систем, се осигурува квалитетна хидроизолација на подземните нивоа. Елементите на овој систем обезбедуваат максимална водоотпорност на армирано-бетонската конструкција.
Инженерскиот пристап кон работата е според најсовремени стандарди, а одредени технологии што се применети се новост за овие простори. Целта, како и секогаш, е да се постигне квалитетна градба, која ќе биде одржлива и издржлива со генерации.